ჩემი პროექტის იდეა

ბოლო პერიოდში შეიმჩნევა ბუნებრივი კატასტროფების დროსა და სივრცეში მოხშირება,რაც გამოწვეულია კლიმატის გლობალურ ცვლილებასთან,მიწისძვრების გახშირებასთან და რაც მთავარია ადამიანის ინტენსიურ (ხშირად არასწორ) საქმიანობასთან.მოსწავლეები შეიძლება ჩასწვდნენ არა მხოლოდ ნებისმიერი საფრთხის აზრს,არამედ გააცნობიერონ,რომ საფრთხის თავიდან აცილება კოლექტიური პასუხისმგებლობაა და უპირველეს ყოვლისა,საკუთარი სიცოცხლის გადარჩენის შესაძლებლობაა.მნიშვნელოვანია,რომ კატასტროფებთან დაკავშირებულ რისკების შემცირება იქცეს გადაწყვეტილების მიღების უწყვეტი პროცესის ნაწილად,უსაფრთხო ქცევის წესების სწავლებით.მოსწავლეები მიხვდებიან რომ კატასტროფით გამოწვეული ზიანის შემცირება შესაძლებელია,თუ მოსახლეობა კარგადაა ინფორმირებული,რისი გაკეთებაა შესაძლებელი რისკების შესამცირებლად.მოსწავლეები მოაგროვებენ ინფორმაციას საქართველოს ბუნებრივ-კატასტროფულ მოვლენებზე,შეეცდებიან გამომწვევი მიზეზების დადგენას და შეეცდებიან მოძებნონ გზები თუ როგორ შეიძლება ამ პრობლემის მოგვარება,გააკეთებენ პრეზენტაციას აღნიშნულ საკითხებთან დაკავშირებით,რისკების შესამცირებლად მოსახლეობის ინფორმირების მიზნით შექმნიან სპეციალურ ბუკლეტებს.

პირველი მოდულის რეფლექსია

ჯგუფის მონაწილეები გავეცანით ერთმანეთს,გავიგე თუ როგორ უნდა დავეხმარო პროექტებით ჩემს მოსწავლეებს სასწავლო სტანდარტის მიღწევაში და 21-ე საუკუნის უნარ-ჩვევების განვითარებაში,როგორ გამოვიყენო პროექტი სასწავლო პროცესის გაუმჯობესებისათვის.მოვიფიქრეთ პროექტის სათაური და მთავარი იდეები,რომელიც გავაცანით ერთმანეთს.ვისწავლეთ პუბლიკაციების შექმნა.